Vizitor i nderuar !
Ju jeni duke i kaluar këto çaste me Qendrën elektronike të muzikës shqip. Ju përkujtojmë se kjo është qendra e vetme ku ofrohet muzika origjinale shqipe. Ndaj, shprehim kënaqësinë tonë që t`ju mundësojmë edhe Juve të gjeni atë që dëshironi.

Nëse eventualisht interesoheni për diç të veçantë atëherë na shkruani. Ne do të bëjmë maksimumin që të përmbushim kërkesat e vizitorëve të faqeve tona.
Këtë na mundëson edhe kontakti i përhershëm që kemi vendosur me artistë, yjet e muzikës shqipe të gjitha zhanreve, me këngëtarët që bënë emër dhe janë të njohur tashmë për aderuesit e këngës shqipe por edhe me debitorët-ata që premtojnë se një ditë do të jenë po ashtu yje të muzikës shqipe.
Këtu, gjithsesi, mund të gjeni edhe informacione të ndryshme që kanë të bëjnë me muzikën tonë, me këngëtarët dhe grupet muzikore, të cilat po ashtu do të kenë mundësinë të prezantohen, të publikojnë për artdashësit të dhënat për historikun e veprimit dhe të krijimtarisë por edhe aktualitetet me të cilat preokupohen.
Ndërkaq, për ngjarjet kulturore përkatësisht muzikore që organizohen në Gjermani, Zvicër e gjetkë, nga diskotekat dhe asociacionet e muzikës, nga grupet dhe individët, këtu do të informoheni në hollësi për programin dhe orarin e organizimit..

Kështu do të përmbushim një zbrazëti të informimit më të mirë që aktualisht mungon dhe është e nevojshme si për organizatorët por edhe për publikun.
Ndaj, në këtë formë ftojmë të gjithë të interesuarit për të publikuar informacione të tilla, të na kontaktojnë. Mjafton të na shkruani në adresën tonë dhe ne do të gjejmë kohë për të biseduar për hollësitë.

Thënë shkurt: qëllimi ynë është të vendosim një urë lidhjeje mes artistëve, grupeve muzikore, organizatorëve të programeve, diskotekave dhe vizitorëve përkatësisht të interesuarve për shijimin e vlerave të mirëfillta muzikore shqiptare.
Për të arritur këtë, Ju ofrojmë bashkëpunim të gjithë të interesuarve. Qendra jonë elektronike për muzikën shqipe është e hapur për të gjithë.

JU MIRËPRESIM